मोरङ । मोरङको पथरीशनिश्चरे ७ का ६१ वर्षिय चन्द्रबहादुर तामाङ हत्याको मतियार भएको आभियोगमा महिला पक्राउ परेको छ ।
पक्राउ पर्नेमा सोही वडाको सुस्मा राई रहेकी छिन् । गत असोज ४ गते धारिलो हतियार प्रहार गरी आफ्नै ज्वाई रबिन राईले ससुराको हत्या गरेका थिए । हत्या अभियोगमा विनोद यस अघि नै पक्राउ परेको छ ।
प्रहरी नियन्त्रणमा रहेका विनोदको बयानको आधारमा सुस्मा राईलाई सोमबार पक्राउ गरेको इलाका प्रहरी कार्यालय पथरीका प्रमुख डीएसपी मोहनविक्रम दाहालले बताए । विनोद राईले ससुरालाई धारिलो हतियार प्रहार गरेर साइनोले माइजु पर्ने सुस्माको घरमा गएका थिए ।
हतियार प्रहार गरेर गएका व्यक्तिलाई प्रहरी र छरछिमेकमा खबर गर्नुपर्नेमा सुस्माले विनोदलाई खानपिन खुवाएर भाडासमेत दिएर पठाएकाले अनुसन्धानको लागि पक्राउ गरेको प्रहरीेले जनाएको छ ।
