रामेछाप । हिमाल पावर हाइड्रोका गार्डको रामेछापको खिम्ती खोलामा पौडी खेल्न जादा डुबेर मृत्यु भएको छ ।
मृत्यु हुनेमा गुल्मी घर भएका अन्दाजी ५० वर्षीय निर्मल प्रसाद बुढाथोकिको मृत्युु भएको हो।
गोकुलगंगा गाउँपालिका –३ रस्नालुस्थित खिम्ती खोलामा बुधबार बिहान १० बजेको समयमा खाना खाएर साथीसँग पौडी खेल्न खोलामा गएको उनको खोलाले डुबाउँदा मृत्यु भएको हिमाल पावर लिमिटेडका कर्मचारी चेतवान बिकेले जानकारी दिएका छन् ।
हिमाल पावर हाइड्रोमा सेकुरेटि गार्ड पदमा कार्यरत बुढाथोकी अर्को एक कम्पनीबाट त्यहाँ काम गर्न आएको जानकारी पाइएको छ । नामाडी र बेतालीको समय भएर बग्ने खहरे खोला मिसिएको ठाउँमा जमेको दहमा पौडी खेल्दा बालुवामा गाडीदा उनको मृत्यु भएको अनुमान गरिएको छ।
मृतक बुढाथोकीको शव बुधबार दिउँसो करिब १२ बजेको समय फेला परेको थियो ।शव पोस्ट मार्टमको लागि प्रहरीसहितको नियन्त्रणमा मन्थली ल्याइएको छ।
मृतक बुढाथोकीको शवलाई मृतकको परिवारले आफूहरू नआइपुगी नचलाउनु भनेको कारण शव मन्थली राखिएको प्रहरीले जनाएको छ।
