मलेसिया/मार्च-८
लुटेरा समुहको आक्रमणमा परि मलेसियामा एक नेपाली घाइते भएका छन् । लुटेरा समुहको आक्रमणमा परि तेह्रथुम आठराई का सन्तोेष पौडेल घाइते भएका छन् । वुधवार सामान किन्न पसल गएका उनी फर्किदा लुटेराको आक्रमणमा परेका थिए । लुटेराले प्रहार गरेको हतियारले उनको टाउकोमा गम्भिर चोट लागेको छ ।
तत्काल साथीको सहयोगमा उपचारका लागी अस्पताल लगीएको र उनको टाउकोमा ११ टाचा लगाइएको उनका साथी राम तिम्सीनाले जानकारी दिए । एक वर्ष अघि रोजगारीका लागी मलेसियाको पेराग स्थीत मिनिली प्लस कम्पनीमा प्लाष्टिक कम्पनीमा काम गर्दे आएका थिए ।
मोटरसाइकलमा आएका लुटेराले लुटन खोज्दा भागेपछि पौडेलमाथी लुटेराले धारिलो हतियार प्रहार गरेका तिम्सीनाले वताए ।मलेसियाको सुरक्षा अवस्था वारे पटक पटक श्रमीक वाट प्रश्न उठेपनि आप्रवासी श्रमीकको सुरक्षावारे भने मलेसिया सरकार मौन रहदै आउको छ ।
