एजेन्सी । क्लारा जेट्कीन जर्मनीको प्रसिद्ध राजनीतिज्ञ तथा अधिकारकर्मी हुन्। ती क्लारा जेट्कीन नै अन्तर्राष्ट्रिय महिला दिवस स्थापन गर्ने व्यक्ति हुन्।
प्रथम पटक सन् १९०६ मा सम्पन्न महिलाहरूको प्रथम अन्तर्राष्ट्रिय सम्मेलनबाट महिला अधिकारको विषयमा लेख्ने र बोल्ने क्लारा सचिव बनिन्। त्यहाँ उनले महिलाको अधिकारका पक्षमा बोलेकी थिइन् र महिला अधिकारका बारेमा त्यसरी मुद्दा उठाइएको त्यो प्रथम पटक थियो।
त्यसपछि १९०८ मार्च ८ को दिन अमेरिकाको शिकागो शहरमा महिलाहरूले समान अधिकारको माग लिएर महिलाहरूले हड्ताल र विशाल जुलुश प्रदर्शन गरे। महिलाहरुद्वारा आफ्नो हकको लागि गरिको त्यो प्रथम प्रदर्शन पछि सन् १९१० मा कोपेनहेगेनमा महिलाहरूको द्वितीय अन्तर्राष्ट्रिय सम्मेलनमा क्लारा जेट्किनले ८ मार्चलाई अन्तर्राष्ट्रिय श्रमिक महिला दिवसको रूपमा मनाउने प्रस्ताव राखिन् ।
मार्क्सवादी नेता तथा अधिकारकर्मी क्लाराको त्यो प्रस्ताव पारित भएपछि सन् १९११ देखि विश्वभरिका महिलाहरूले ८ मार्चलाई अन्तर्राष्ट्रिय महिला दिवसको रूपमा मनाउन थालेका हुन् ।
