गीतसंगीतमा नै रमाएको छु -गायक चित्र राई

नेपाली सांगीतिक क्षेत्रमा संघर्षशिल नाम हो,गायक चित्र राई । झण्डै डेढ दशक देखी गीतसंगीतमा अनवरत रुपमा लागिपरेका गायक राईको  ‘साहारा’ नामको एल्बम बजारमा आएको छ । यसअघि उनको ‘दुईमुटु’ गीति एल्बम आईसकेको थियो । पहिलो एल्बम भन्दा उनलाई दोस्रो ‘साहारा’बाट एल्बमबाट ठुलो आश छ । किनकी उनले पहिलो एल्बम निकाल्ने क्रममा धेरै ज्ञान र अनुभव हासिल गरे ।
दोस्रो एल्बममा धेरै मेहनत गरेको छु, यसमा गीतकार लिना राईको मनछुने शब्दहरु छन् । पहिलो एल्बमबाट सोचे अनुरुपको आर्थिक उन्नती गर्न नसकेको स्विकार गर्दै गायक राईले भने,लगानी उठ्नु नै ठुलो कुरा भयो अव त । पहिलो एल्बमले मलाई गायकका रुपमा भने चिरपरिचत गराएको छ ।’ एल्बममा गरेका लगानी उठाउन थोर बहुत साँगीतिक कार्यक्रम (कन्सर्ट) ले सहयोग गर्ने गरेको उनले बताए ।



https://www.youtube.com/watch?v=9LE8ZRTTE78

‘गीतसंगीत बिना बाँच्न मुस्किल पर्ने बताउदै गायक राईले गायन यात्रा अव छोड्न नसक्ने बताउछन् । भन्छन्,‘गीतसंगीत एउटा भनेको पनि एउटा नशा रहेछ,यसले हरेक दर्शक तथा श्रोतालाई पनि औषधीको काम गर्छ ।’ उनको लागि गीतसंगीत भनेको नै सुखदुखको साथी हो ।
गीतसंगीत विनाको संसार मानिसलाई कष्टकर हुने उनको बुझाई छ । त्यसैले त गीतसंगीतलाई सवैले माया गर्नुहुन्छ,राई भन्छन् ।

https://www.youtube.com/watch?v=AH9Db1-L0tM

स्थानीय स्तरमा हुने साँस्कृतिक कार्यक्रममा गीत गाउँदाताका उनलाई साथीभाई बाट राम्रो प्रतिक्रिया आयो । पहिलो पटक २०५२ साल तिर गायिका सुनिता सुब्बासँग दमकको किरात यायोक्खा भवनको विवि मार्केट दोस्रो फ्लोरमा गाएका थिए । त्यसको बेलाको प्रस्तुतिबाट प्राप्त प्रतिक्रियाबाट प्रफुल्लित भएर उनी अझ निरन्तर रुपमा संगीत साधनामा अभ्यस्त भए । एल्बम निकाल्न पनि अग्रज तथा साथीभाई बाट सल्लाहा अव मिल्यो । ‘आफुलाई पनि अव एल्बम निकाल्दा हुन्छ भन्ने आत्मविश्वास पनि भयो,‘उनले सुरुवाति दिन सम्झिए,‘२०६६ सालतिर पहिलो एल्बम दुईमुटु सार्वजनिक गर्न सफल भए ।’

https://www.youtube.com/watch?v=TcMAdLdqDeo

कतारमा विमोजन गरेका त्यस एल्बमका गीतहरु स्रोताहरुले रुचाएको कारण नै दोस्रो एल्बम निकाल्ने जमर्को भएको हो । उनी भन्छन्,‘विदेशमा काम गरेर पनि फुर्सदमा गीतसंगीतमा नै ब्यस्त भए । विदेशबाट पनि साथीभाईको साथ सहयोगले एल्बमको प्रमोसन भयो ।
उनलाई विदेशमा हुदाताका पनि कार्यक्रममा सहभागिता जनाउन अफर नआएका होईनन् । तर कार्यव्यस्तताले कतारमा दुई दर्जन जति नेपाली मञ्चमा गीत गाएर आफ्नो कलाकौशललाई प्रस्तुत गर्न भ्याए उनले ।

गायक राईको साहारा एल्बममा ५ वटा आधुनिक तथा पप मेलोडी गित समाविष्ट छ । संगीत पनि आफै गरेका गायक राईको एल्बमका सवै गीत लिना राईले कोरेकी हुन् । ‘आफ्नो पराईभईदिदा’,‘आउछ अतितका तिम्रो याद’,‘मायाले बाध्यो मेरो मन’,साँचो माया गर्छु भन्थेउ’, र तिमी आयौं जिन्दगीमा’ साहारामा एल्बममा समाविष्ट गीत हुन् ।


साहारा एल्बममा समावेश भएको तिमी आयौं जिन्दगीमा वोलको गीतको म्युजिक भिडीयो समेत निर्माण भएको छ । ‘मायाले बाध्यो मेरो मन’ बोलको राष्ट्रभावले ओतप्रोत भएको गीतबाट उनलाई थप उचाईमा पुर्याउने आशा छ । मिलन र बिछोडका गीत त एल्बममा छदैछन्,देशभक्ति भावको गीत पनि गाएको छु,गायक राईले भने,एउटै एल्बममा सवै किसीमका गीत समेटेकोले एल्बमबाट थप आशावादी छु । मेरो एल्बम सवै स्रोतालाई समट्ने खालको बनाएको छु ।’

मोरङ राजघाट घर भएका चित्रलाई गीतसंगीतमा लागेर कतिपनि पछुतो छैन रे । बरु आफु र आप्mनो गाउँ ठाउँलाई चिनाउन पाउदा गौरब लागेको छ,राई भन्छन्,‘त्यसैले खुशी नै छु,मन बुझाएको छु ।’
अब्बल गायकी,मौलिक आवाज र जस्तो पनि गीतमा फिट हुने खुवीले गायक चित्रलाई नेपाली गीतसंगीतको क्षेत्रमा धेरै सम्भावना बोकेको प्रतिभा भन्न सकिन्छ ।

नारायण गोपाल,अरुण थापा,अरुणा लामा,तारादेवी जस्ता दिग्गजहरुको गीत मनराउने गायक राई अव नेपालमै फर्किएर गीतसंगीतमा पूर्ण रुपले जम्ने सुरुमा छन् ।
गीतसंगीतले बाँच्न सकिन्छ त भन्ने प्रश्न गायक राई भन्छन्—‘ चर्चित भएकाहरु भने बाँच्न सक्छन् । जो नेपालमा औंलामा गन्न सकिन्छ ।’ सवै गीत  उनले प्रश्न गरे ।

https://www.youtube.com/watch?v=WpJO94AKDmk

गायक राई गीतसंगीतमा लागिरहन विजनेश पनि गर्ने बताउछन् । जसले गर्दा आफ्नो साँगीतिक यात्रा सहज हुने उनको ठम्याई छ । गीतसंगीतबाट आफ्नो गीति मोहलाई जिवन्तता दिने उनको सुर छ । भन्छन,दर्शक स्रोताहरु मेरा भगवान हुन् । उहाँहरुले आउने दिनमा पनि यस्तै माया गर्नुहुन्छ भन्ने विश्वास छ । गायक राईआफ्ना गीतसंगीत बारे प्रतिक्रिया दिन आग्रह गर्दै नयाँ गीतसंगीत पस्किरहने प्रण गर्छन् ।

 

तेजन खड्का