ईटहरी / वहुचर्चित सिएफएल खरिद प्रकरणको छानविन गरीरहेको अख्तियार दुरुपयोग अनुशन्धान आयोगले सिएफएल घोटाला प्रकरणमा मुछिएका ईटहरी उपमहानगरपालीकाका लेखा अधिकृत लखनलाल चौधरी र जिन्सी शाखा प्रमुख मनोज दाहाललाई वयानका लागि बोलाएको छ ।
सिएफएल खरिद घोटाला प्रकरणका विषयमा अख्तियारको ईटहरी स्थित क्षेत्रिय कार्यालयले छानवीन गरीरहेको भएपनि उनीहरुलाई वयानका लागि अख्तियारको मुख्य कार्यालयले नै बोलाएको हो ।
सिएफएल वल्ब खरिद प्रकरणका विषयमा छानविन गर्न उपमहानगरले नै पनि छानविन समिति बनाएको थियो । छानबिन समितिले बुझाएको प्रतिबेदनमा खरिद प्रकृया त्रुटिपुर्ण भएको किटान गरीएको थियो तर सो काममा संलग्नलाई भने कुनै कारवाहिको सिफारीस नगरी बचाईएको थियो ।
इटहरी उमनपाले २०७४ साउन देखि कार्तिक सम्म बिना टेन्डर सिएफएल बल्ब ३ महिनामा ९७ लाख बराबरको खरिद गरेको थियो । सिएफएल खरिदमा ब्यापारीसगको सेटिङमा प्रचलित वजार मुल्यभन्दा ६० प्रतिशत महँगो मुल्यमा खरिद गरिएको पत्ता लागेपछी व्यापक बिरोध भएको थियो।
एमालेका युवा नेता द्दय होमनाथ धमला र सुनिल कार्कीले मिडिया र अख्तियारसम्म यो विषय पुरयाएका थिए । उनीहरुले वाहिर ल्याएको यो विषय अझैसम्म पनि चर्चामा छ भने खरिद प्रकृयामा संलग्न कर्मचारीलाई कारवाहि नगरेको भन्दै जनप्रतिनिधिको व्यापक आलोचना समेत भईरहेको छ ।
