काठमाडौं । बाल गायीका प्रसुनेहा ठाकुरको स्वरमा रहेको `ममि आइलभ यु, डेडि आइलभ यु´ गीतको म्युजिक भिडियो सार्वजनिक भएको छ । उर्लाबारी घर भएकी ९ वर्सिय प्रसुनेहाको यो दोस्रो गीत हो । यस अघि उनले अहिले त म सानै छु गीत गाएकी थिइन् । उर्लाबारीका विभिन्न स्थानहरूमा छायांकन गरिएको भिडियोमा सबनम राई र लभ्सनले अभिनय गरेका छन् । सुनिता ठाकुरको शव्द रहेको गीतको भिडियो निर्देशन मौसम कोइरालाले गरेका छन् भने छायांकन जीवन चिमरिया रहेको छ । छोराछोरीले आफ्ना आमाबुबा प्रती गर्ने माया, स्नेह अनि आमाबाबुले छोराछोरीप्रती गर्ने निर्वाह गर्ने जिम्मेवारीलाई भिडियोमा देखाएको निर्देशक मौसमले बताए । छोरीको संगीत प्रतिको मोहलाई हौसला दिने उदेश्य सहित यस क्षेत्रमा लगानी गरिरहेको उनका बुबा प्रकाश ठाकुरले बताए ।
