२०७४ फागुन ३० बुधवार
मोरङको ; लक्ष्मीमार्ग स्थीत लक्ष्मी खेल मैदानमा सोमवारबाट जारी राष्ट्रपति रनिङ शिल्ड प्रतियोगिता बुधवार सम्पन्न भएको छ ।
मोरङको ३ नम्बर क्षेत्र अन्तर्गतका २८ वटा निजी तथा सामुदायीक बिद्यालयको सहभागीतामा भएको राष्ट्रपति रनिङ शिल्डमा एथलेटिक्स, भलीवल, कबर्डि र रिले इभेन्ट्स भएका थिए ।
जसमा १४ स्वर्ण ६ रजत र २ कास्य पदक हासिल गर्दै सुकुना मा.वि. सुन्दरहरैचा प्रथम भएको छ ।
त्यसैगरी ३ स्वर्ण २ रजत र ९ कास्य पदक हासिल गर्दै सिद्धार्थ सेकेण्डरी बोडिङ सुन्दर हरैचा दोस्रो र आयोजक विद्यालय लक्ष्मी मा.वि. बेलवारी ११ लक्ष्मीमार्गले ३ स्वर्ण ५ रजत र २ कास्य पदक हासिल गदै तेस्रो स्थान हात पार्न सफल भएको छ ।
सबै खेलकुदका इभेन्समा लक्ष्मी मा.वि. लक्ष्मीमार्ग र सुकुना मा.वि. सुन्दर हरैचाले सहभाागीता जनाएको र जम्मा सबै विद्यालयबाट करिब २ हजार विद्यार्थीको सहभागीता रहेको आयोजक समितिका व्यवस्थापक देवीप्रसाद पोख्रेलले बताउनुभयो ।
मोरङ खेलकुद विकास समितिका कोषध्यक्ष सुजय गौतमले सभापत्तिव गर्नुभएको प्रतियोगितामा प्रमुख अतिथि क्षेत्रीय खेलकुद विकास समितिका अध्यक्ष रविन नगरकोटी रहनुभएको थियो ।
