काठमाडौं। विश्वकप छनोटअन्तर्गत पपुआ न्यूगिनीविरुद्धको पहिलो प्लेअफमा नेपालले शानदार जीत हासिल गरेको छ । नेपालले पपुआ न्यूगिनीलाई ६ विकेटले पराजित गरेको हो । नेपालले पपुआ न्यूगिनीले दिएको ११५ रनको लक्ष्य २३ ओभरमा ४ विकेटको क्षतिमा भेट्टायो ।
नेपालको लागि दिपेन्द्र सिंह ऐरीले नटआउट अर्धशतकीय पारी खेले । उनले नटआउट ५० रन बनाए । आरिफ शेखले २६ र कप्तान ५० रन बनाए । यसअघि बलिङतर्फ पनि दिपेन्द्रले शानदार बलिङ गर्दै ४ विकेट लिएका थिए । सन्दिप लामिछानेले पनि ४ विकेट लिए । सोमपाल कामी र करण केसीले १–१ विकेट लिए । नेपालले अब आज भइरहेको नेदरल्याण्ड र हङकङबीचको खेलको विजेतासँग सातौं स्थानको लागि प्लेअफ खेल्नेछ ।
आजको अर्को प्लेअफमा नेदरल्याण्डले जितेमा नेपालले आजै एकदिवसीय मान्यता पाउने निश्चित हुनेछ । यदि यो खेल हङकङले जितेमा भने नेपालले एकदिवसीय मान्यता पाउन हङकङलाई हराउनुपर्नेछ ।
