पथरी, मोरङ
१ चैत्र २०७४
मोरङको पथरीशनिश्चरे ५ भोटेघुम्तीमा दोस्रो पूर्वाञ्चल स्तरिय खुल्ला पुरुष भलिबल च्यालेञ्ज कप हुने भएको छ । वर्षेनि राम नवमीको अवसरमा लाग्दै आएको रामनवमी मेलाको अवसर पारेर यो वर्ष पनि राष्ट्रिय खेलको मान्यता पाएको भलिबल च्यालेञ्ज कपको आयोजना गर्न लागिएको हो ।
२०७३ सालको राम नवमी मेला देखि सुरु गरिएको भलिबल खेल यो पटक पनि यही चैत्र ८ गते देखि सुरु गरि ११ गते राम नवमीका दिन समापन गर्न लागेको आयोजकले जनाएको छ । खेल पथरीशनिश्चरे ५ भोटेघुम्तीमा रहेको रामजानकी मन्दिर परिसरमा हुनेछ । विजेता टिमले ५१ हाजार र उप बिजेता टिमले ३१ हजार नगद सहित ट्रफी, मेडल र प्रमाण पत्र पाउने छन् ।
समय छोटो भएकाले इच्छुक टिमले चाडैँ टिम दर्ताका लागि आयोजकले अनुरोध पनि गरेको छ । फोनबाट नाम दर्ता गर्नका लागि ९८४३९०३६०, ९८०८३१७०५७, ९८१७३६२१८५ मा सम्पर्क गर्न सकिने पनि जानकारी दिएको छ ।
