रातोकलम अनलाइन
मलेसिया,सम्बादाता
मार्च -१७
वैदेशिक रोजगारीको सिलसिलामा १२ महिना अघि मलेसिया आइपुगेका सुनसरी जिल्ला भरौल गाबिस वडा नम्बर-३ का सन्तोष राईले आज बिहान् आफ्नै कोठाको फ्यानमा पासो लगाइ आत्महत्या गरेका छन ।
मलेसियाको जोहोर बारु स्थित सेनाइ मोर्नी ए.एस.जे इलेक्ट्रोनिक कम्पनीमा कार्यरत राई हिजो काम बाट फर्किएर पछी बिहान साथीहरू काममा गए पश्चात् थुप्रै कुराहरु सुसाइड नोटमा लेखेर आत्महत्या गरेका हुन। देहान्त भइ सकेकी आफ्नी आमा लाई र भारतिय सेनामा रहेका आफ्ना बाबा लाई आफन्त जन लाई र मलेसिया मै रहेका फुपु का छोरा लाई सम्बोधन गरेर धेरै सम्झिएको कुरा नोटमा लेखिएको जानकारी सोही कम्पनीमै मार्यरत मृतका सहकर्मी दिलिप माझिले टेलीफोन सम्पर्कमा बताएका छन। उक्त नोटमा आफ्नो सब जहाँ मेरि आमा लाई दहन गरिएको थियो त्यही दहन गर्दिनु भनेर पनि लेखिएको थियो।
घट्ना भए लगत्तै केही समयमा होस्टल का इन्चार्ज र सुरक्षागार्ड ले प्रहरी लाई खबर गरेका थिए। प्रहरी आएर सब को सनाखत गरेपछी मृतक को सब लाई पोस्टमार्टम को लागि कुलाइ हस्पिटलमा राखिएको छ।कम्पनीमा काम गर्दा दिलिप लाई दाइ मेरो त प्रेमिका छ उस्लाइ धेरै माया गर्छु भनेर कहिलेकाही भन्ने गरेका थिए भनेर दिलिपले भने। सुसाइड नोटनमै रोसनी म यो जन्म मा तिम्रो बन्न सकिन क्षमा गर है भन्ने पनि लेखाका रहे छन।
घट्नाको प्रकृति र सुसाइड नोट हेर्दा आत्महत्याको मुख्य कारण प्रेम बियोगनै हुन सक्छ भनेर कम्पनीका एक प्रतिनिधिले भने तर राइले आत्महत्या गर्नुको यथार्थ कारण भने खुलेको छैन। कम्पनी स्रोतका अनुसार सब लाई फिर्ता पठाउन सब बुझ्ने सम्बन्धित ब्यक्तिको नाता प्रमाणिकरण पत्र आएपछी दूतावास सङको परामर्शमा सब लाई नेपाल पठाइने बताएका छन।
