देबु बानियाँ ।
काँकरभिट्टा । सुरुङ्गा भेट्रान फुटबल क्लव नेपाल–इण्डो भेट्रान फुटबल प्रतियोगिताको फाइनलमा प्रवेश गरेको छ ।
काँकरभिट्टा भेट्रान फुटबल क्लबको आयोजनामा काँकरभिट्टा माविको खेल मैदानमा आइतबार भएको अन्तिम सेमीफाइनल खेलमा आयोजक क्लवलाई सडन डेथमा ५–६ गोल अन्तरले हराउँदै फाइनलमा सुरुङ्गाले आफ्नो सिट सुरक्षित गरेको हो ।
यो जितसँगै सुरुङ्गाले मंगलवार हुने फाइनल खेलमा विर्तामोड भेट्रान फुटबल क्लबसँगको भेटलाई पक्का गरेको हो । विर्तामोडले पहिलो सेमीफाइनल खेलमा धाइजन–चारआलीलाई हराउँदै फाइनलको यात्रा तय गरेको थियो । सुरुङ्गा र विर्ताोडले फाइलन खेलमा १ लाख २५ हजार नगद पुरस्कारका लागि एक अर्कामा भिड्नेछन् ।
आइतवारको खेलमा निर्धारित सययमा २–२ को बराबरी भएपछि निर्णयका लागि टाइब्रेकरमा लगिएको थियो । टाइब्रेकरमा पनि नतिजा नआएपछि सडन डेथका आधारमा सुरुङ्गाले आयोजक माथि बाजी मारेको थियो ।
खेलको पहिलो हाफको २३ र ३० औं मिनेटमा सुरुङ्गाका सन्तोष श्रेष्ठले २ गोल गर्दै अग्रता लिएका थिए । दोस्रो हाफको १४ औं मिनेटमा काँकरभिट्टाका राकेश श्रेष्ठ र २५ औं मिनेटमा ै सरोज थापाले गोल गर्दै खेललाई बराबरीमा पुर्याएका थिए ।
पहिलो हाफमै लिइएको त्यो अग्रतालाई टिकाउन नसक्दा सुरुङ्गाको फाइनल यात्रामा पूर्ण विराम लाग्ने अवस्था सृजना उत्पन्न भएको थियो । तर, सडन डेथमा सुरुङ्गालाई भाग्यले साथ दिएपछि आयोजक स्तब्ध बनेको थियो ।
आइतबार भएको खेलको म्यान अफ दी म्याज विजेता टिमका गोल रक्षक सुवास मेचे घोषित भएका आयोजक समितिका अध्यक्ष गंगालाल गुरुङले बताए ।
प्रतियोगितामा नेपाल र भारतका गरी १४ वटा टिम सहभागिता रहेको हासचिव सुन्दर बस्नेतले बताए ।
