भीमराज अधिकारी
चैत्र–५, पथरी, मोरङ
२०७४ सालको रामनवमीको अवसरमा पूर्वाञ्चल स्तरीय खुल्ला नकआउट पुरुष भलिवल खेलको आयोजना हुने भएको छ । मोरङको पथरीशनिश्चरे ५ भोटेमुम्तिमा अवस्थित धार्मिक एवं पर्यटकीय स्थल रामजानकी मन्दिर परिसरमा खेल हुने आज पत्रकार सम्मेलनमा जानकारी दिइएको हो । मन्दिर परिसरमा प्रत्येक वर्ष रामनवमीको अवसरमा रामनवमी मेला लाग्दै आएको छ । सोही अवसरमा २०७३ साल देखि पूर्वाञ्चल स्तरिय भलिवल खेलको आयोजना पनि गरिदैँ आएको छ ।
यो वर्ष पनि रामनवमी मेलाको अवसरमा चैत्र ८ गते देखि ११ गते सम्म पूर्वाञ्चल स्तरीय खुल्ला नकआउट पुरुष भलिवल खेलको आयोजना हुने भएका हो । रामजानकी भलिवल खेल आयोजक र हसन्दह स्पोर्टिङ क्लवको समन्वयमा खेलको आयोजना गरिएको भलिवल खेल आयोजक समिति सचिव रमेश दाहालले जानकारी दिनुभयो । खेल सम्पन्न गर्नका लागि जम्मा ३ लाख १७ हजार २ सयको अनुमानित लागत स्टीमेट गरिएको छ । खेल आयोजनाका लागि पथरीशनिश्चरे नगरपालिकाले २५ हजार, राष्ट्रिय खेलकुद कर्मचारी संघले २५ हजार, वडा नं. ५ ले २० हजार तथा अन्य विभिन्न क्षेत्रबाट आर्थिक संकलन गरिएको आर्थिक संयोजक अभिषेक भट्टराइले जानकारी दिनुभएको छ ।
खेलमा पूर्वाञ्चलका जम्मा १० वटा टिमले सहभागिता जनाउने छन् । उद्घाटनका दिन पहिलो खेलमा दमक स्पोर्टिङ क्लव र पथरी स्पोर्टिङ क्लव बिचको खेल हुने छ भने दास्रो खेलमा ए.पि. एफ क्लव पकली सुनसरी र इनरुवा स्पोर्टिङ क्लव सुनसरी बिच हुनेछ ।
प्रतियोगिताको प्रथम हुने टिमले नगद ५१ हजार र दोस्रो हुने टिमले नगद ३१ हजार सहित ट्रफि, मेडल र प्रमाण्म पत्र पाउनेछन् । खेलमा म्यान अफ द म्याच तथा म्यान अफ द सिरिज पनि प्रदान गरिने आयोजकले जनाएको छ । म्यान अफ द म्याच तथा म्यान अफ द सिरिजको प्रायोजन स्थानिय युवा सुरेश दाहालले गर्नुभएको छ । प्रथम र दितिय ट्रफी भने रेवत बस्नेत (रोशनले) प्रायोजन गर्नुभएको छ ।
