हिमालयन इङ्लिस एकाडेमी सेकेण्डरी स्कुल मेचीनगर १० धुलावारीको प्रिन्सिपलमा कृष्णप्रसाद निरौला नियुक्ति भएका छन् ।
विद्यालयका निर्देशक दिपक भण्डारी तथा विद्यालय प्रशासनले मंगलवार निरौलालाई प्रिन्सिपलको जिम्मेवारीसहित नियुक्ती गरेको हो ।
विर्तामोड नगरपालिका वडा नम्बर ३ का निरौला ३० वर्ष शिक्षण पेशा गरेका अनुवभी व्यक्ति हुन् । अंग्रेजीमा डिग्री गरेका निरौला यस अघि एमिटि पब्लिक स्कुलमा कार्यकरत थिए । उनले कैलालीस्थित धनगढीमा रहेको एलाइन्स इन्टरनेश्नल मोडेल स्कुलमा पनि प्रिन्सिपलको जिम्मेवारी सम्हालेका थिए । नव नियुक्त प्रिन्सिपल निरौलाले विद्यालयको शैक्षिक गुणस्तरलाई अभिबृद्धि गर्नका लागि आफ्नो क्षमता अनुसार कटिबद्ध भएर लाग्ने बताए ।
यसैगरी, यस अघि विद्यालयको प्रिन्सिपलको जिम्मेवारी सम्हालिरहेका भाष्कर निरौलालाई कक्षा ११ र १२ को कोअडिनेटरको जिम्मेवारी दिइएको छ । कोअडिनेटर निरौलालाई मेचीनगरका उत्कृष्ट प्रिन्सिपलहरु मध्ये एक मानिन्छन् ।
