दिनेश खड्का
विराटनगर, ९ चैत । पद्मा मिडिया ग्रुपले वरिष्ठ पत्रकार केदार कोइरालालाई माउण्टेन टेलिभिजनको समाचार निर्देशकमा पुर्नबहाली गरेको छ ।
काठमाडौं जिल्ला अदालतले सफाइ दिएसँगै पद्मा मिडिया ग्रुपले वरिष्ठ पत्रकार कोइरालालाई समाचार निर्देशकमा पुर्नबहाली गरेको हो । प्रहरीले गत जेठको दोस्रो साता कोइरालालाई पक्राउ गरेको थियो । तर प्रहरीले लगाएको आरोप अदालतले गलत भएको ठहर गरी कोइरालालाई गत सोमबार रिहा गर्ने आदेश दिएको थियो । पक्राउ पर्दा बखत कोइराला टेलिभिजनको समाचार निर्देशक पदमै कार्यरत थिए ।
पद्मा मिडिया ग्रुपका अध्यक्ष राजु कँडेलले झुठो अभियोग लगाएर पक्राउ गरिएका कोइरालाको रिहाइले न्यायालयमाथिको विश्वास थप बढेको भन्दै कोइरालालाई पुर्नबहाली गरेको बताए । उनले कोइरालाको निर्देशकीय जिम्मेवारीमा माउण्टेन टेलिभिजनले समाचार र कार्यक्रममा आफूलाई अझ सशक्त बनाउने विश्वास व्यक्त गरे ।
यो पनि पढ्नु होस् : पत्रकार कोईराला निर्दोष ठहर, नौ महिनापछि पाए आदालतवाट न्याय
