झापा । नेपाल शिक्षक महासंघ मेचीनगरको अध्यक्षमा लेखनाथ पौडेल (केशव) चयन भएका छन् । फागुन १६ गते भएको महासंघको निर्वाचनमा मेचीनगरमा नेपाल शिक्षक संघ पहिलो भएको थियो । महासंघको विधान अनुसार पहिलो हुनेले अध्यक्ष र दोस्रो हुनेले सचिव पद पाउने प्रावधान रहेको छ । सचिवमा शिक्षक संगठनका अग्निप्रसाद घिमिरे रहेका छन् । अन्य पदहरु समेत बराबर सरह बाँडफाँड गरिनेछ ।
सोही विधान अनुसार नेपाल शिक्षक संघले पौडेललाई अध्यक्षका रुपमा अघि सारेको थियो । पौडेल शहिद दशरथ चन्द मावि चारआलीका सहायक प्रधानाध्यापक हुन् । धुलावारी जेसीज, तारापुञ्ज साकोसलगायतका सामाजिक संघसंस्थाको नेतृत्व गरेका पौडेल मेचीनगरका सक्रिय युवा व्यक्ति हुन् ।
उपाध्यक्षमा अर्जुन कार्की, सहअध्यक्षमा प्रेमबहादुर न्यौपाने, महिला उपाध्यक्षमा भुमादेवी सुब्बा, सहसचिव दिपक खनाल, महिला सहसचिव विनिता दाहाल, अर्थ सहसचिव सिताराम रिमाल रहेका छन् ।
सदस्यहरुमा राजिव गिरी, भावना अधिकारी, उषा निरौला, जोत्सना राजवंशी, अनिता थापा, शंकर राजवंशी, नरबहादुर श्रेष्ठ र भगिरथ भण्डारी रहेका छन् ।
संघिय संरचना अनुसार पहिलो पटक स्थानीय निकायमा महासंघको नेतृत्व आएको हो । यस अघि जिल्ला स्तरमा मात्र थियो ।
