पथरी समाचारदाता
चैत्र १३, मंगलबार
मोरङको पथरीशनिश्चरे–१ मा पथरीशनिश्चरे क्रिकेट क्लब गठन भएको छ । मंगलबापत्रकार सम्मेलनको आयोजना गरी अन्य खेल सरह क्रिकेटलाई पनि मान्यता दिलाउन सो क्रिकेट क्लब क्रिकेटप्रेमी युवाहरुले गठन गरेका हुन् ।
क्लबमा अरुण राई अध्यक्ष, रेवत लिम्बु उपाध्यक्ष, राकेश दाहाल सचिव, बोधराज बस्नेत उप–सचिव, एन्जल राई कोषाध्यक्ष र सदस्यहरुमा पावेल राई, राजु राई, मंगल सुनुवार राई, दिपेश श्रेष्ठ, महेश कार्की, प्रशान्त श्रेष्ठ चयन भएका छन् । वि.सं. २०६५ सालदेखि सक्रिय रहँदै आएको सो क्रिकेट क्लबले स्थानीय स्तरका टुर्नामेन्टहरुमा विजयी हासिल गर्दै आइरहेको छ ।
यस्तैगरी क्लबले भारतको सिक्टीमा भएको खुल्ला क्रिकेट प्रतियोगितामा पनि उत्कृष्ट खेल प्रदर्शन गर्दै आइरहेको भने झापाको समयगढ खुल्ला पूर्वाञ्चल क्रिकेट प्रतियोगितामा प्रथम स्थान हासिल गर्न सफल भएको छ भने छैटौं र सातौं विरेन्द्रनगर च्यालेन्स कपमा उप–विजेता भएको थियो । पत्रकार सम्मेलनमा क्लबका अध्यक्ष अरुण राइले भावी दिनमा क्रिकेटप्रति रुचि राख्ने भाइहरुलाई प्रोत्साहन गर्दै एकेडेमीको योजना ल्याउने बताए ।
