काठमाडौं चैत १७ – आर्दश सर्भिस प्रालिद्वारा सञ्चालित रातोकलम डटकमको सम्पादकमा पत्रकार तेजन खड्का नियुक्त भएका छन् । रातोकलम मिडियाको सञ्चालक समिति बैठकले खड्कालाई शनिवारदेखी सम्पादकको जिम्मेवारी दिएको हो ।
एक समारोहका बीच सम्पादक खड्काले पदभार ग्रहण गरेका छन् । एक दशकभन्दा लामो समयदेखि पत्रकारितामा सक्रिय खड्का छापा तथा इलोट्रिक मिडियमा कार्यरत थिए ।
झापाबाट प्रकाशित पूर्वाञ्चल दैनिक र उर्लाबारीको निगरानी दैनिकमा सम्वाददाताको काम गरेका खड्का उर्लाबारी पेजमा अनलाईन सम्पादक रहिसकेका छन् ।
कला साहित्यमा दख्खल राख्ने पत्रकार खड्का राजनीति, समाजका बिभिन्न क्षेत्रमा कलम चलाउँछन् ।
रातोकलम मिडियाका फाउण्डर मौषम लिम्बूले स्वागत गर्दै खड्काको नेतृत्वमा रातोकलमले नेपाली सञ्चार जगतमा ल्याउनु पर्ने इनोभेसनको जिम्मेवारी अझै प्रभावकारी रुपमा निभाउने विश्वास व्यक्त गरेका छन् ।
जनउत्तरदायी पत्रकारिताप्रति आफू सधैं कटिबद्ध रहेको उल्लेख गर्दै सम्पादक खड्काले नागरिकको सूचनाको हकको सम्मान गर्दै समाजका राम्रा पक्षको उजागर र विकृतिविरुद्ध निरन्तर खबरदारी गर्ने अठोट व्यक्त गरेका छन् ।