पथरीशनिश्चरे । मोरङको पथरीशनिश्चरेमा रहेका सञ्चार संस्थाको प्रवद्र्धनको एकताका लागि ‘सञ्चार माध्यम प्रवद्र्धन समिति’ गठन भएको छ ।
आज गठित समितिको संयोजकमा सन्तोष राई, सचिवमा मोहन भट्टराई र कोषाध्यक्षमा विजय खम्बू तथा सदस्यमा केशव निरौला, पर्शुराम न्यौपाने, अमीर राई, एकराज कार्की र सुमन खनाल रहेका छन ।
समितिले श्रमजिवी पत्रकार ऐन कार्यान्वयनका लागि सञ्चार संस्थाको प्रवद्र्धन गर्नु अझ आवश्यक रहेको जनाउँदै नगरपालिका कार्यालयमार्फत नगरमा सञ्चार नीति निर्माणका लागि सहयोग पुर्याउने उल्लेख छ ।
पथरीशनिश्चरेबाट साप्ताहिक रुपमा अनमोलमणि साप्ताहिक, क्रेजी डटकम, कुरकुरे साप्ताहिक, शैक्षिक संसार र तिम्मा साप्ताहिक प्रकाशित हुदै आएको छ् । विद्युतीय सञ्चार माध्यमका रुपमा रेडियो सिम्रिक, पथरी एफएम, रेडियो रिदम तथा टीभी नेपाली अनलाइन र पथरी अनलाइन विधिवत दर्ता भइ सञ्चालित छन् ।
