उर्लाबारी । क्यान्सर रोगबाट थलिएकी उर्लाबारी ९ खोपिँडाडाकी पार्वता लिम्बूको उपचारका लागि अष्ट्रेलियाबाट टिका श्रेष्ठले नगद १० हजार सहयोग गर्नुभएको छ । टिकाले बिदेशबाट पठाएको रकम भाई राजन श्रेष्ठले भक्तपुर क्यान्सर अस्पतालमा गएर पार्वतीकी छोरी रेनुकालाई हस्तान्तरण गरेका छन् । आफ्नो साथीको आमा आर्थिक अभावले समस्यामा परेको समाचार सुनेपछि सानो सहयोग गरेको टिकाले बताउनुभयो । 
यसअघि हङकङबाट याम सेम्बुले अगुवाई गरेर आफन्त साथीभाई शुभेच्छुकबाट नगद २ लाख र मकाउबाट गीता मगर शेर्पाले नगद ८० हजार ८ सय ८८ सहयोग गरीसक्नुभएको छ । आर्थिक अबस्थाकै कारण हस्पिटल लान नपाएको अहिले सहयोग जुट्न थालेपछि उपचार हुँदै गरेको छोरी रेनुकाले बताउनुभयो ।
