भद्रपुर । भद्रपुर जेसीज मार्च महिनाको उत्कृट शाखाका रुपमा पुरस्कृत भएको छ ।
चितवनको सौराहमा सम्पन्न नेपाल जेसीजको २२ औँ काउन्सिलर एकाडेमीको अवसरमा एरिया ए को उत्कृष्ट शाखाका रुपमा भद्रपुर जेसीजलाई अवार्ड प्रदान गरिएको हो ।
शाखाले भवन निर्माणलाई तीब्रताका साथ अघि बढाएर जेसीजका हरेक गतिविधिहरु क्रियाशील गराएको भन्दै नेपाल जेसीजका राष्ट्रिय अध्यक्ष श्रीधर बस्यालले भद्रपुर शाखाका अध्यक्ष सोम ढुङ्गेललाई अवार्ड प्रदान गरेका थिए । एकाडेमीको समारोहमा नेपाल जेसीजका निवर्तमान अध्यक्ष प्रकाशप्रसाद अधिकारीले अवार्ड हस्तान्तरण गरेका थिए ।
अवार्ड पाएपछि अध्यक्ष ढुङ्गेलले अझ हौषला प्राप्त भएको बताउँदै आउँदा दिनहरुमा थप कामहरु गर्दै जाने प्रतिक्रिया दिए ।
