बुधबारे । झापाको बुद्धशान्ति १ होक्सेमा जारी प्रथम बुद्धशान्ति च्यालेन्ज कप नकआउट फुटबल प्रतियोगितामा आयोजक होक्से युवा क्लब सेमीफाइनलमा प्रवेश गरेको छ ।
बुधबारे जेसीज र होक्से युवा क्लबको संयुक्त आयोजनामा मंगलवार भएको क्वाटरफाइनल खेलमा मुनाल क्लब चन्द्रगढीलाई ५–२ गोल अन्तरले स्तब्ध बनाउँदै आयोजकले सेमीफाइनलको यात्रा तय गरेको हो ।
जितका लागि आयोजकका महेश राईले खेलको पहिलो आफको ८ र २६ औं मिनेट, दोस्रो हाफको ९ र १३ औं मिनेटमा बविन बोहोरा र दोस्रो हाफको २० औं मिनेटमा विक्रम राईले गोल गरेका थिए । मुनालका रोहित सुब्बा र प्रविन राईले ३३ र दोस्रो आफको २९ औं मिनेटमा गोल गरेका थिए । प्रतियोगितामा २ गोल गर्ने होक्सेका महेश राई म्यान अफ द म्याच घोषित भए । बुधवारको पहिलो सेमीफाइनल खेल न्यू स्टार क्लब खोपवारी र सैनिक युथ क्लब सैनिकविच हुने आयोजक होक्से युवा क्लबका बालकुमार राईले जनाएका छन् ।
