झापा । सधैँ समाजमा समर्पित भन्ने नाराका साथ झापाको मेचीनगरमा बुधवारबाट सचेतना समूहको स्थापना भएको छ ।
सामाजिक कार्य गर्ने उदेश्यले मेचीनगरका युवाहरुका युवाहरुको सहकार्यमा उक्त समूहको स्थापना भएको हो ।
मेचीनगर ७ मा रहेको एभरेष्ट बोडिङ स्कुलमा आयोजित एक कार्यक्रमकाबीच समिति गठन गरिएको हो । समूहको अध्यक्षमा बालकृष्ण ढुङ्गाना, उपाध्यक्ष विजय भट्टराई, महासचिव राजिप गिरी, सचिव राम मगर, कोषाध्यक्ष कञ्चन बराल र प्रबक्तामा देबु बानियाँ चयन भएका छन् । यसैगरी समूहको सदस्यमा रुपसागर अधिकारी, सञ्जिव थापा, केशव गौतम, चन्दन गौतम, राजु राई र माधव राजवंशी रहेका छन् । साथै समूहको संरक्षकमा विजय डालमिया रहेका छन् ।
समूहले यस अघि बालकल्याण मावि मेचीनगर ५ कि विद्यार्थी गंगा श्रेष्ठ र बेबारिसे अवस्थामा रहेकी एक भारती महिलाको उपचारका लागि आर्थिक संकलन गर्ने काम गरेको थियो भने मेचीनगर ५ मा गत फागुनमा आगलागी भएका दर्जी परिवारलाई समेत राहत संकलन गर्ने काम गरिसकेको छ । समूहका अध्यक्ष बालकृष्ण ढुङ्गानाले समाजका हरेक गतिविधिसँग नजिक रहेर समस्यालाई समाधान गर्न र सामाजिक काम गर्न समिति निर्माण गरिएको बताए ।
