उर्लाबारी/मोरङको उर्लाबारीमा सोमबार महिला अधिकार संरक्षणमा जनप्रतिनिधिको भूमिका बिषयमा छलफल गरिएको छ ।
साझा सवालका लागि साझा मञ्च (कोकन) विराटनगरको आयोजना, यूएनडीपिको सहयोग र उर्लाबारी नगरपालिकाको सहकार्यमा सो छलफल गरिएको हो । छलफल कार्यक्रममा जनप्रतिनिधिहरुले महिला अधिकार संरक्षणमा आफूहरु अत्यन्तै संमवेदनशील रहेको बताएका छन् ।
उर्लाबारी नगरपालिका प्रमुख खड्ग फागो ,उपप्रमुख लक्ष्मीदेबी भण्डारी लगायत वडाध्यक्ष, सदस्यलगायतको उपस्थिति रहेको थियो । छलफलको सहजीकरण मानब अधिकार रक्षक परिषद्का प्रमुख सल्लाहकार कोषराज न्यौपानेले गरेका थिए । उनले महिलाहरुको अवस्था, सवलीकरण र सहभागितालगायतका बारेमा सहजीकरण गरेको उर्लाबारी वडा नं. ७ की सदस्य एंब महिला नेतृ शोभितमाया तामाङ (सावित्रा) ले जानकारी दिइन् । कार्यक्रममा आयोजक कोकनका सल्लाहकार कमल कोइराला, उपाध्यक्ष मञ्जिता उपाध्यायलगायतको उपस्थिति रहेको थियो ।
