विराटनगर, वैशाख १७। मोरङको सुन्दरहरैचा नगरपालिका–७, गोठगाउँमा माइक्रोबस दुर्घटनामा हुँदा दुई जनाको मुत्यु भएको छ भने १० जना घाइते भएका छन् ।
झापाको काँकडभिट्टाबाट काठमाडौंतर्फ आउँदै गरेको बा ४ ख ६९१६ नम्बरको माइक्रोबस बिहान दुर्घटना हुँदा झापा भद्रपुर–१५ कि ५१ वर्षीया उमा निरौला र सोही स्थानकी ५२ वर्षीया श्यामा कार्कीको मृत्यु भएको हो ।
इलाका प्रहरी कार्यालय बेलवारीले दिएको जानकारी अनुसार, विराटनगरस्थित गोल्डेन अस्पतालमा उपचारका क्रममा उनीहरुको मुत्यु भएको हो ।
घाइते १० मध्ये ५ जनाको धरानस्थित विपी कोइराला विज्ञान प्रतिष्ठान, ३ जनाको गोल्डने अस्पताल र इटहरीमा २ जनाको उपचार भइरहेको छ ।
माइक्रो अनियन्त्रित भएर सडकमा पल्टिएको र यसबारे थप अनुसन्धान भइरहेको प्रहरीले जनाएको छ ।
