ईलाम बैशाक १७ । चौथो अन्तराष्ट्रिय आमन्त्रण माइभ्याली गोल्डकपको उपाधिकारुस्लान थ्रीस्टार क्लवले जितेको छ । मनाङ मस्याङदी क्लवलाई १—० गोल अन्तरले पछि पार्दै थ्रिस्टारले उपाधि उचालेको हो ।
थ्रि स्टारको जितको लागि थपिएको १५ मिनेट अतिरिक्त समयको २ मिनेट ३० सेकेण्डमा सुनिल बलले गरेको १ गोल नै उपाधिका लागि प्रर्याप्त बन्यो ।
उपाधिसँगै थ्रिस्टारले नगद ६ लाख ६६ हजार ६ सय ६७ रुपैया नगद सहित ट्रफि प्राप्त गरेको छ । उपविजेता मनाङले नगद ४ लाख र ट्रफिमा चित्त बुझाएको छ । खेलको म्यान अफ दि म्याच मनाङका हेमन गुरुङले १० हजार पाए । प्रतियोगिताको सर्वोत्कृष्ट खेलाडी घोषित मनाङ मस्र्याङदी क्लबका कप्तान विराज महर्जनले स्कुटर प्राप्त गरे । प्रतियोगिताको राईजिङ प्लेयर माईभ्याली फुटबल क्लबका दर्शन गुरुङ घोषित भए । उनले ३५ हजार रुपैयाँ हात पारे । विधागत तर्फ थ्री स्टारका खेलाडीको वर्चश्व रह्यो । एलेन न्यौपाने उत्कृष्ट गोलरक्षक, पिटर सेगुन उत्कृष्ट डिफेन्डर, मार्टिन उत्कृष्ट स्ट्राईकर, सुनिल बल उत्कृष्ट मिडफिल्डर र मेघराज केसी उत्कृष्ट प्रशिक्षक घोषित भए । उनीहरुले जनही १५ हजार रुपैयाँ प्राप्त गरे ।
