उर्लाबारी, ५ असोज । करेन्ट लागेर शक्त घाइते बन्न पुगेका १२ वर्षीय अविनाश चाम्लिङ्ग राईको उपचारमा आर्थिक सहयोग जुटेको छ । ईलाम घर भएका उनको उपचारमा हाल रोजगारको शिलशिलामा कुवेतमा रहेकी संगिता गोले तामाङ्गले ७ हजार ५ सय रुपैयाँ सहयोग गरेकी हुन् । आर्थिक अवस्था एकदमै दयनीय भएका उनलाई यस अघि नेपाली समाज ओमानले पनि राईको उपचारमा सहयोग गरेको थियो । समाजले गरेको सहयोगबाट आविनाशका बारेका जानकारी पाएर आफूले सहयोग गरेको संगिताले बताएकी छन् । इलामको बसेनी गाउँ घर भएकी उनले आफूले सकेको सहयोग गर्न पाएकोमा खुःसी व्यक्त गरिन् । सहयोग रकम संगीतकर्मी विशाल राई र संचारकर्मी भूपेन्द्र तुम्हाम्फेले विरामीका बुबालाई हस्तारन्तरण गरेका थिए । आफ्नो दुःखको क्षणमा सहयोग गरेको भन्दै अविनाशका बुबाले सहयोगी सबैलाई धन्यवाद दिएका थिए । आगामी दिनमा पनि यसैगरी सामाजिक कार्यमा लाग्न प्रेरणा मिलोस् भन्दै उनले कामना गरेका थिए ।
