उदयपुर÷ बैशाख २६
सरकारले यातायात व्यवसायी संघहरुको नविकरण असार देखि नगर्ने निर्णय गरे संगै हिमाली यातायात व्यवसायी संघ उदयपुरले आफ्ना सम्पुर्ण कर्मचारीहरु हटाउने भएको छ । संघले आज एक सुचना जारी गर्दे असार बाट लाँगुहुने गरी स्थाई तथा अस्थाई सवै कर्मचारीहरु हटाउने जानकारी गराएको हो । हिमाली यातायात व्यवसायी संघ उदयपुरमा स्थापना कालदेखी हाल सम्म कार्यरत झण्डै १ सय जना कर्मचारी हटाउने भएको हो । सरकारले यातायात व्यवसायीलाई नविकरण नगर्ने निर्णय गरे संगै आम्दानी नहुने भएपछि कर्मचारी हटाउन लागेको जनाएको छ । संघले दुर्घटना संग सम्बन्धित विमा संग सम्बन्धित र यात्रु बुकिङ संग सम्बन्धित संवर्धनका सम्वन्धित काम हरु संघका नाम बाट गर्न नपाईने भए पछि कर्मचारी हटाउन लागिएको हिमाली यातायात व्यवसायी संघका सचिव कृष्ण भण्डारीले बताउनु भयो ।
