एजेन्सी। विश्वकप फुटबल सुरु हुनै लाग्दा फुटबल जगतका तीन स्टार फुटबलरको जन्मदिनको रोचक संयोगले अहिले चर्चा पाएको छ । स्टार फुटबलरहरु लियोनेल मेस्सी, क्रिष्टियानो रोनाल्डो र नेयमार जुनियरको जन्मदिनको रोचक संयोगले चर्चा पाएको हो ।
अर्जेन्टिनी स्टार लियोनेल मेस्सीको जन्मदिन यस वर्ष विश्वकपको बीचमा परेको छ । अर्जेन्टिनाका कप्तान मेस्सीले विश्वकप खेल्दै गर्दा आफ्नो जन्मदिन मनाउनेछन् । २४ जून १९८७ मा जन्मिएका मेस्सी विश्वकप चलिरहँदा ३१ वर्ष पुग्नेछन् ।
पोर्चुगिज स्टार क्रिष्टियानो रोनाल्डो र ब्राजिलियन स्टार नेयमार जुनियरको जन्मदिन भने एकै दिन पर्छ । रोनाल्डो ५ फेब्रुअरी १९८५ मा जन्मिएका हुन् । रोनाल्डो अहिले ३३ वर्षका छन् । ब्राजिलियन स्टार नेयमार जुनियर पनि ५ फेब्रुअरीकै दिन जन्मदिन मनाउँछन् । उनी ५ फेब्रुअरी १९९२ मा जन्मिएका हुन् र अहिले उनी २६ वर्षका छन् ।
