तेजन खड्का
उर्लाबारी । उर्लाबारीका उर्जाशिल युवाहरुको नीजि लगानीबाट पहिलो पटक अन्तराष्ट्रिय मापदण्ड अनुसारको उर्लाबारी—४ मा ‘फुटसल’ सन्चालनमा आएको छ ।
फुटसलको उर्लाबारीका मेयर खड्ग फागोले रिवन काटेर उद्घाटन गर्नुभयो ।
उद्घाटन पछि मन्तब्य दिदैं मेयर फागोले युवाहरुले सन्चालनमा ल्याएको फुटसलको सफलताको प्रशंसा समेत गर्नुभयो । उहाँले उर्लाबारी नगरपालिकाले उर्लाबरीको समग्र खेलकुद विकासका लागि २५ लाख बिनियोजन गरेको बताउदैं खेलक्षेत्रको विकासका लागि उल्लेख सहयोग गर्ने जानकारी दिनुभयो । उहाँले खेल स्वास्थ्यको लागि मात्र नभएर राष्ट्रको गरिमा सँग जोडिएको बताउनुभयो ।
कार्यक्रममा सन्चार क्लव उर्लाबारीका अध्यक्ष घनश्याम भण्डारी,भिजन फाउण्ेसन उर्लाबारीका अध्यक्ष राजु लामाले सफलताको शुभकामना दिनुभयो ।
उर्लाबारीका युवाहरु शाङ्गेहाङ तुम्बाहाम्फे,निर्मल सिक्देल,राजन वाइवा,पुनम शर्मा,इथाहाङ लिम्बू,निरज बाहेती,महेष कार्की,बिजय बानिया र बिरेन बादे लगायतको संयुक्त लगानीमा उर्लाबारी फुटसल सन्चालनमा ल्याउनुभएको हो ।
साँढे ७ कठ्ठा जमिनको क्षेत्रमा कम्तिमा ७० लाखको लगानीमा निर्माण भएको उक्त फुटसल खेल मैदान १०५ फुट लामो तथा ६० फुट चौडाई रहेको शाङ्गेहाङ तुम्बाहाम्फेले जानकारी दिनुभयो ।
बढ्दो जनघनत्व, वस्ती विस्तार र खुल्ला ठाउँको अभावका कारण शारीरिक व्यायाम गर्न नपाएकाहरुका लागि फुटसल सन्चालामा ल्याएको उहाँले बताउनुभयो । उद्घाटनको अवसरमा फुटसल प्रतियोगिता भएको थियो ।
उर्लाबारी फुटसल उद्घाटन समारोह झलक ।
