उर्लाबारी, ८ असार । मोरङको उर्लाबारी – ५ स्थित एरोमा होटलमा आज बिहान विश्वकप फुटवल हेर्ने क्रममा बिवाद हुँदा चक्कु प्रहारबाट एक युवक घाईते भएका छन् ।
बिहान ३ बजे बिवाद हुँदा उर्लाबारी वडा नम्बर ६ का वडा सदस्य समेत रहेका अन्दाजी ४० वर्षिय तरुण दल मोरङ सचिव सचिन शाक्यले तरकारी काट्ने चक्कुले प्रहार गर्दा सोही वडाका २७ वर्षिय बिशाल तामाङ घाईते भएका हुन् ।
चक्कु ढाडमा प्रहार भएको थियो । घाईते तामाङको बिर्तामोडस्थित बिएण्डसी हस्पिटलमा उपचार भईरहेको छ । दुई जनाबीच के विषयमा बिवाद भएको भन्ने खुल्न सकेको छैन ।
घाईते भएका विशाल
चक्कु प्रहार गर्ने शाक्य फरार रहेका छन् । उनको खोजीकार्य भईरहेको इलाका प्रहरी कार्यालय उर्लाबारीका प्रहरी निरीक्षक रामप्रसाद तिमल्सिनाले जानकारी दिनुभयो । घाईते तामाङ मोरङ – ११ बाट फुटवल खेल्ने गर्दछन् । चक्कु प्रहार गर्ने शाक्य तरुण दल मोरङको सचिव र उर्लाबारी जेसिजको अध्यक्ष समेत रहेका छन् । शाक्य सङ टेलिफोन सम्पर्क गरि यस बिसयमा बुझ्न खोज्दा सम्पर्क हुन सकेन ।
