काभ्रे । नेपाल जेसीजका क्षेत्र ‘ग’ का शाखा अध्यक्ष तथा निरुपित राष्ट्रिय पदधिकारीहरु बिच २ दिने अन्तरक्रिया तथा सह सम्बन्ध कार्यक्रम शुक्रवारबाट काभ्रेको धुलिखेलमा सुरु भएको छ ।
काभ्रे जिल्लाको धलिखेलस्थित पानीट्याकी होम स्टेमा चल्ने भेला शनिवार सम्पन्न हुनेछ । भेलामा शाखाहरुको वर्तमान अवस्था, ६ महिनाको अवधीमा गरेका गतिविधि र भावी योजनाका विषयमा बहत छलफल गरिने राष्टिय उपाध्यक्ष टेकराज रेग्मीले बताए ।
क्षेत्र ‘ग’ का सम्पूर्ण शाखाहरुको आयोजना तथा भकुण्डेबसी जेसीज, काभ्रे महिला जेसीज, नाल्दुम नगरकोट जेसीज, धुलिखेल जेसीज र पनौती जेसीजको संयोजनमा कार्यक्रम सञ्चालन हुन लागेको हो । कार्यक्रममा यस क्षेत्रका सबै शाखा अध्यक्ष तथा निरुपित पदाधिकारीहरुको सहभागिता रहनेछ ।
