उर्लाबारी । राष्ट्रिय धान दिवसको अवसरमा उर्लाबारी—८ को न्यू भिजन एकाडेमीले बालबालिकालाई खेतमा पुर्याएर धान रोप्न सिकाएको छ ।
बढ्दो शहरीकरण सँगै विद्यालय तहमा अध्यन गर्ने विद्यार्थी हरुलाई यस्तो प्रकारको सिकाई फलदायी हुने बिश्वास गरिएको विद्यालयका प्रिन्सिपल अजित भट्टराईले बताउनुभयो ।
विद्यालयका प्रिन्सिपल भट्टराईका अनुसार विद्यालयमा अध्ययनरत बालबालिकालाई विद्यालय नजिकै रोपाइँ गर्न ठिक्क बनाइएको खेतमा लिएर रोप्न सिकाएको हो ।
बालबालिकालाई धान, चामल, खेत, माटो लगायतका विषयमा इन्टरनेटमा जानकारी दिनुपर्ने अवस्था हुँदा उनीहरूलाई यस विषयमा प्रत्यक्ष जानकारी दिन खेतमै लगिएको विद्यालयका फाउण्डर कमल गौतमले जानकारी दिनुभयो ।
बढ्दो आधुनिकतासँगै माटो छुनु गलत हो भन्ने मानसिकता वृद्धि भइरहेको भन्दै माटोलाई सम्मान गर्न सिकाउनका लागि बालबालिकालाई व्यवहारिक ज्ञान दिन जरुरी रहेको गौतमको भनाई छ
हेर्नुहोस्, बालबालिका खेतमा पुगेर हिलो खेल्दै धान रोपेको फोटो फिचरः
