पहिलो हाफमा उरूग्वे विरूद्ध अग्रता लिएको फ्रान्सले दोश्रो हाफमा फेरि गोल गर्दै अग्रतालाई २-० बनाको छ।
फ्रान्सले खेलको ६३ औं मिनेटमा दोश्रो गोल गरेको हो। फ्रान्सका लागि सो गोल ग्रिजम्यानले गरेका हुन्। उनले डिवक्स बाहिरबाट प्रहार गरेको बल उरूग्वेका गोरक्षकको हातबाट डिफेल्क्ट हुँदै पोस्ट भित्र छिरेको थियो।
आजको खेलमा फ्रान्सले पहिलो अग्रता खेलको ४० मिनेटमा लिएको थियो। फ्रान्सका लागि सो गोल राफेल भारानेले गरेका थिए।
लुकास हेर्नानडेजले नान्देजलाई फल गरेपछि फ्रान्सले फ्रिकिक पाएको थियो। सोही फ्रिकिकबाट आएको बललाई राफेलले हेडमार्फत जाली चुमाउँदै फ्रान्सलाई अग्रता दिलाएका थिए।
