उर्लाबारी । आरम्भ नाट्य डबली रतुवामाईले तिजको अवसर पारेर भाद्र २७ गतेका दिन सोमबारेमा वृहत रुपमा संचालन गर्न लागेको तिजविशेष कार्यक्रम तथा नाटक मञ्चनका लागि सहयोगी हातहरु आउने क्रम जारी रहेको छ । रतुवामाई ९ ठकठकियामा स्थायी रुपमा बसोबास गर्दै हाल जापानमा रहनुहुने कृष्ण कार्कीले आरम्भको तिजविशेष कार्यक्रमलाई सहयोग पुग्नेगरी मुख्य प्रायोजकका रुपमा १०,००० (दश हजार) सहयोग पुर्याउनु भएको संस्थाका अध्यक्ष समिर सुवेदीले जानकारी गराउनुभएको छ ।
कार्कीले समाजका विभिन्न पाटा र पक्षहरु शिक्षा स्वास्थ्य, गरिबि, अपाङ्गताका क्षेत्रहरुमा काम गर्दै सहयोग पुर्याउदैै आउनुभएको छ ।
जनचेतनामुलक नाटक मञ्चनका लागि रियलसोन थालिसकेको र गत वर्षभन्दा रोचक र वृहत तरिबाट नाटक मञ्चन गरिने कुरा संस्थाका सल्लाहाकार संयोजक महेन्द्र रेग्मीले बताउनुभयो । आरम्भ परिवार अहिले देखी नै कार्यक्रमलाई भव्य अनि सव्य रुपमा अगाडि लिएर जान कार्यहरु थालनी गरिसकेको कुरा संस्थाकी सचिव नानु पौडेलले जानकारी दिनुभयो ।
