पथरीशनिश्चरे, २० असोज
तिमल्सिना समाज मोरङले आज जिल्लाको पथरीशनिश्चरेमा आयोजित एक कार्यक्रमकाबीच तिमल्सिना सांसद धिरेन शर्मा तिम्सिनालाई सम्मानित गरेको छ ।
इलाम २ बाट प्रदेशसभा सांसदमा निर्वाचित नेकपाका केन्द्रीय सदस्य धिरेनलाई समाजका जिल्ला अध्यक्ष सञ्जय तिम्सिना सहितले दोसल्ला र सम्मानपत्रले सम्मानित गर्नुभयो ।
त्यसैगरी, तिमल्सिना समाजमा रहेर शान्ति सुरक्षाको काममा सक्रिय बन्नु भएको इलाका प्रहरी कार्यालय उर्लावारीका प्रमुख प्रहरी निरीक्षक रामप्रसाद तिम्सिनालाई दोसल्ला ओढाएर सम्मानित गरिएको छ ।
दशैं, तिहार र छैठ पर्वको शुभकामना आदानप्रदान कार्यक्रमका अवसरमा भएको कार्यक्रममा, माघमा जिल्ला अधिवेशन गर्ने निर्णय भएको सहसचिव निरोज तिम्सिनाले जनाउनु भयो ।
२ महिनाभित्रमा तिमल्सिना समाजको स्थानीय तहका नगर र गाउँसमिति पुनगर्ठित गरिसक्ने समेत निर्णय भएको छ ।