केशव न्यौपाने
रङ्गेली / असोज २८
मोरङको सुनवर्सि नगरपालिका स्थित झुङगी टोलका मानिक चन्द ऋषिदेवले पैसाकै अभावमा उपचार गर्न नसकेको बताउनु भएको छ । दुईवटा खुट्टा पोलियो रोगबाट अपांग भए पछि मानिक चन्द ऋषिदेवलाई अहिले आफ्नो ७ जनाको परिवार पाल्न सकस परिरहेको छ ।
आफु पाँच बर्षको उमेरमा सामान्य खुट्टा दुखेको समस्या बाट पिडित भएको मानिकले बताउनु भयो ।
आर्थिक अबस्था निकै कमजोर भएको कारण समयमै उपचार नहुदा अहिलेसम्म दुख भोग्नु परेको उहाँ बताउनु हुन्छ ।
४ दशक अगाडि पोलियो रोगले उनको दुईवटै खुट्टा गुमाउनु परेको हो ।
सामन्य परिवारमा जन्मिएका मानिकको घरमा आमा पोसिया देवी ऋसिदेव, बुबा धनाई ऋषिदेव,श्रीमती ललिता ऋषिदेव,र दुई छोरी, एक छोरा गरि ७ जनाएको परिवार दुख गरेर पालिरहेको बताउनु हुन्छ ।
आधा दसक अगाडिदेखि मानकले एउटा साने साईकल मर्मत गर्ने दोकान खोलेर आफ्नो परिवार पालिरहनु भएको छ ।उहाँलाई उक्त साईकल मर्मत पसल खोल्नको लागि लुथरन समुदायक कल्याण समाजले ४ हजार रुपैयाँ चन्दा दिएर सो साईकल मर्मत पसल खोलिदिएको हो ।
बार्षिक ५ हजार रुपैया भाडामा लिएर दस धुर जग्गामा सानो घर बनाएर बसोवास गर्नुभएका मनिके एक दिनम साईकल मर्मत गरे बापत ३ सय रुपैया देखि ४ सय रुपैयाँ सम्म कमाउनु हुन्छ ।
‘एक जनाको कमाईले सात जनाको परिवार पाल्न बाध्य भईरहेको छ’ मानिक भन्नुहुन्छ । ‘आफु अपांग छु आमा,बुबा काम पनि गर्न सक्नु हुन्न पत्निले कहिलेकाही मजदुरी गर्ने जान्छिन । ’ मानिकका छोराछोरी समेत सानै उमेरका भएकाले उनीहरुलाई राम्रो साग पढाउन समेत नसकेको मन खिन्न पार्नु हुन्छ ।
उहाँकी जेठि छोरी ७ बर्षकि छिन ,माईली,६ बर्ष र छोर २ बर्षको रहेका छन् ।
‘छोरा,छोरी लाई धेरै पठाउन नसके पनि यसो दुई चार अक्षर भए पनि पढाउनै पर्याे कापी ,कलम,लुगा किन्दीनै पर्यो जन्म दिने आमा बुबा पाल्नै पर्यो ।’ गहभरि आँशु पार्दै मानिक भन्नुहुन्छ ‘ अन्तै काम गर्ने जाउँ भने दुवै खुट्टा अपांग छ कसैले काम पनि दिदैन ।’