उर्लाबारी । राजघाट उज्यालो समाजले भव्यताको साथ देउसी भैलो तथा नृत्य प्रतियोगिता सम्पन्न गरेको छ । उर्लाबारी—९ सामाजिक काम सहयोगार्थ दुर्गापुरीमा आयोजना गरिएको देउसी भैलो कार्यक्रममा दर्शकदिर्घाको उल्लेख्य सहभागिता रहेको थियो ।
उर्लाबारी उद्योग वाणिज्य संघका अध्यक्ष प्रितम खड्गीको प्रमुख आतिथ्यतामा भएको कार्यक्रममा बरिष्ठ उपाध्यक्ष बिनोद नेउपाने, महासचिव राम थापा,वडा नम्बर ९ का अध्यक्ष बम फ्याक,समाजसेवी सुन्दर श्रेष्ठ,इप्रका उर्लाबारीका प्रमुख राम प्रसाद तिम्सिना, अरनिको उमाविका अध्यक्ष खगेन्द्र बहादुर थापा रामजी लगायतको आथित्यता रहेको थियो ।
सोहि कार्यक्रममा भएको नृत्य प्रतियोगितामा अनुशा गुरुङ प्रथम, जिना तामाङ दोस्रो र प्रकृति राई तेस्रो भएकी थिईन् । उनीहरुलाई नगद ट्रफि र प्रमाणपत्रले पुरस्कृत गरियो । समाजका अध्यक्ष हेमराज गुरुङको सभापतित्वमा कार्यक्रम सम्पन्न भएको थियो ।
सामाजिक काम सहयोगार्थ सद्भाव सहितको देउसी भैलोले बजारवाशी मन जितेको कार्यक्रम संयोजक रन्जित श्रेष्ठले बताएका छन् । राजघाट उज्यालो समाजले बजारमा सडक बत्ति जडान गर्नुका साथै स्थानीय स्तरमा सामाजिक काम गर्दै आएको छ ।
