दमक २६ कात्तिक (रासस) झापाको दमकमा आज चार वर्षीया बालिकाको डुबेर मृत्यु भएको छ । जिल्ला प्रहरी कार्यालय झापाका प्रहरी नायब उपरीक्षक महेन्द्रकुमार श्रेष्ठका अनुसार दमक–९ घर भई कमल खतिवडाको घरमा डेरा गरी बस्ने शनि साहकी छोरी सञ्चला साहको डुबेर मृत्यु भएको हो ।
घर नजीकै खेल्ने क्रममा उनको नालीमा डुबेर मृत्यु भएको प्रहरीले जनाएको छ । खेलिरहेकी बालिका नालीमा डुबेको देखेपछि स्थानीयवासीले उद्धार गरी तत्काल दमकस्थित आम्दा अस्पताल लगेपनि उनको अस्पताल पु¥याएलगत्तै मृत्यु भएको प्रहरी नायब उपरीक्षक श्रेष्ठले जानकारी दिनुभयो ।
