उर्लाबारी । केबिआई ग्रुपले राजघाटको सार्वजनिक मावि आम्बारीमा पनि विद्यालयको स्तरोउन्नतीको लागि सरसल्ला तथा बैठक बसेको छ ।
ग्रुपका प्रतिनिधी भीम पन्धाकको प्रमुख आतिथ्यतामा विद्यालयका प्रधानाध्यापक टंक दुलाल,अध्यक्ष कुरुराज आङबुहाङ, सदस्य जानुका देवी श्रेष्ठ,उर्लाबारी ९ का वडा सदस्य खड्गबहादुर कार्की, स्थानीय युवा योबाहाङ तुम्बाहाम्फे,समाजसेवी रुद्र सुब्बा,पूर्व विद्यालय व्यवस्थापन समिति अध्यक्ष बिजय आङबुहाङ र पत्रकार तेजन खड्काको विद्यालयमा बसेको बैठकले स्तरोउन्नतीको लागि छलफल समेत गर्दै बिभिन्न निर्णयहरु पनि गरेको छ ।
उक्त विद्यालयका स्तरोउन्नतीको लागि हङकङमा इन्द्र खापुङ लक्ष्मीले अगुवाई गर्दै सहयोग संकलन गर्नुभएको थियो ।
खापुङले विद्यालयका शुभेच्छुक तथा पूर्व विद्यार्थीहरुसँग १ लाख ३० हजार संकलन गर्नुभएको थियो । उक्त रकममा केवीआई गु्रपले आफ्नो कोषबाट ५० हजार थप गर्दै १ लाख ८० हजार सहयोग गर्ने भएको छ
। छलफलमा विद्यालयका समस्याहरु अध्यक्ष आङबुहाङ र प्रअ दुलालले राख्नुभएको थियो । हङकङबाट इन्द्र खापुङ छुट्टीमा घर फर्किएपछि चाँडै नै रकम हस्तान्तरण गर्ने कार्यक्रम रहेको छ ।
