पथरी कात्तिक १७ गते । मोरङको पथरीशनिस्चरेमा अवस्थित नेपाल ज्योतिष परिषद्ले ४ दिने योग शिविर सञ्चालन गर्ने भएको छ ।
योग शिविर कात्तिक २५ देखी २८ गतेसम्म सञ्चालन हुने शुक्रबार पत्रकार सम्मेलनको आयोजना गरी आयोजकले बताएको छ । योग शिविरमा पतञ्जली योग समितिका केन्द्रीय सदस्य ललित शंकर योगीद्वारा योग प्रशिक्षण हुने भएको जानकारी दिइएको छ । योग शिविर पथरीमा रहेको भुपु सैनिक आवसीय विद्यालयको प्राङगढमा विहान ५ देखी ७ बजे सम्म सञ्चालन हुने छ । साथै योग शिविरको अन्तिम दिन २९ गते बुधबार मोति बिन्दु हुनेहरुको लागि निःशुल्क आखा शिविर हुने योग शिविर संयोजक ज्योतिष प्रकास रिसालले जनाउनु भएको छ । पत्रकार सम्मेलनमा प्रमुख अतिथि पथरीशनिश्चरे वडा नं. १ का अध्यक्ष बाबुराम येङ्देनले ४ दिने योग शिविरले स्वास्थ्यमा सुधार हुने बताए । उक्त आँखा शिविर पथरी बाणिज्य संघको सभाहलमा सञ्चालन हुनेछ ।
