दुहागढी २१ मंसिर ÷ झापा दुहागढी स्थित वाल सुवोधिनि आधारभुत विद्यालयलाई पूर्व विद्यार्थीले ल्यापटप र विपन्न विद्यार्थीहरुलाई स्वीटर प्रदान गरेका छन् ।
शुक्रवार विद्यालयमा आयोजित एक कार्यक्रमका विच सिंगापुर निवासी पूर्व विद्यार्थी कृष्ण कडरियाले विद्यालयलाई एक थान ल्यापटप प्रदान गरेका थिए । उनले विद्यालयका प्रधानाध्यापक विश्व थापा र व्यवस्थापन समितिका अध्यक्ष भोला सुबेदीलाई संयुक्त रुपमा ल्यापटप हस्तान्तरण गरेका थिए । सोही कार्यक्रमका विच अर्का पूर्व विद्यार्र्थी बद्रि खवासले विद्यालयका तिस जना विपन्न विद्यार्थीहरुलाई जाडोवाट बच्न स्वीटर प्रदान गरेका थिए । नयाँ स्वीटर पाएपछि विद्यार्थीहरु खुसि भएका थिए । कार्यक्रममा पूर्व विधार्थी समाजका अध्यक्ष बद्रि महत र प्रमुख अतिथि श्रोतव्यक्ति लोकबहादुर दाहालले सहयोगका लागी दाताहरुलाई धन्यवाद ज्ञापन गरेका थिए । 
