विवेक मिश्र
मोरङ बेलवारीका एक युवा जसले आफ्नो जन्म दिन मनाउने पैसाले खेलाडीहरु लाई फुटवल उपहार दिएका छन् । बेलवारी १० भाउन्ने स्थीत रहेको खेल मैदानमा विहिवार एक कार्यक्रमका विच बेलवारीका युवा समाजसेवी जनक पोख्रेलले नगद रु ३५ हजार बरावरको १७ थान फुटवल प्रदान गरेका हुन् । डाँगिहाट फुटवल क्लव भाउन्ने लाई १० थान, बेलवारी फुटवल क्लव बेलवारीलाई ५ थान र बेलवारी ४ का समाजसेवी २ थान फुटवल हस्तान्तरण गरेका हुन् ।
उक्त कार्यक्रममा मोरङ जिल्ला फुटवल संघका कोषाध्यक्ष इन्द्रमणि पोख्रेल, डाँगिहाट फुटवल क्लवका अध्यक्ष छत्र लिम्बु, क्वेष्ट इन्जीनियरीङका प्रवन्ध निर्देशक जोनेस जोशी, समाजसेवी विगेन्द्र याखा लगायतको उपस्थीति रहेको थियो । मोरङ जिल्ला फुटवल संघका कोषाध्यक्ष इन्द्रमणि पोख्रेलका अनुसार स्थानीय स्तरमा यस्ता कृयाकलाप गर्नाले युवा खेलाडिहरुलाई हौसला मिलेको छ र जनक जस्तै अन्य खेलप्रेमी युवाहरुले पनि यस्तै हौसला बाढ्न सके नेपालले खेलकुदको क्षेत्रमा फड्को मार्ने बताए ।
