धन सम्पती के नै रैछ, हेर्दा हेर्दै खरानी भयो घर, एक महिलाको ज्यान नै गयो, अनि त्यो दुख देखेर,तस्बिरमा देखिएका चेलीहरुको मन थामिएन। मन दुख्यो । सिंगो उर्लाबारीवाशी नै शोकमा डुब्यो । पीडा देखेर स्थानीय ममता रानाको मनले भन्यो । यस्तो पीडा हेरेर बसिन्न जति सकिन्छ सहयोग गर्ने हो । मोरङको उर्लाबारी नगरपालिका – ७ का आगलागी पिडित रामबहादुर थापालाई मम्ता र शान्ता कुरुङम्बाङले खाद्यन्यका समाग्री सहयोग गरेका छन् । उनीहरुले ५० केजी चामल सहित विभिन्न सामाग्री सहयोग गरे । अझै सहयोग गर्ने मन छ , ममता भन्छिन्, सहयोग जुटाउने सोच छ । हेरौ कति सम्म सकिन्छ । शान्ता भन्छिन्, यस्तो आपत विपत भोलि जो कोहिकोमा पर्न सक्छ । मानवताको नाताले पर्दा सबैले सहयोग गर्नुपर्छ ।
स्मरण रहोस ममता र शान्ताको टीमले तिहारमा देउसी खेलेर संकलन गरेको रकम सबै उर्लाबारीका दुखी बिरामीहरुलाई सहयोग गरेको थियो ।
थापाको घरमा सोमबार साँझ आगलागी हुँदा उहाँकी ४५ वर्षिया बुहारी रिना थापाको मृत्यु भएको थियो भने घर पुरै जलेर नष्ट हुँदा रु ५ लाख बराबरको क्षति भएको थियो ।
