लेटाङ नगरपालिका अन्तर्गतको चिसाङ खोलामा सञ्चालित क्रसरको दवदवालाई अनलाई टिभीका कार्यक्रम जनतास‘ग सिधा कुराका प्रस्तोता रवि लामिछानेको टिमले राम्रो सवक सिकाइदिएको छ । सधैं पैसा र गुण्डाको बलमा मापदण्ड विपरीत सञ्चालनमा रहेका क्रसरहरुलाई यतिखेर बज्र परेको अनुभुति भएको छ । सबै सरकारी गैर सरकारी निकायहरु, स्थानीय युवाहरु र राजनितिक दलका कार्यकर्ताहरुलाई सामदाम दण्डभेद प्रयोग गरी निर्वाद रुपमा प्राकृतिक स्रोतको दोहन गरी नवधनाडयको रवाफ कायम गर्ने प्रयत्नमा लागेकाहरुको दिमागमा नराम्ररी झट्का लागेको छ । त्यतिमात्र होइन अनेक जालझेल गरी कानुनी प्रक्रृया मिलाएर ठेक्का लगाई नाजायज कमाईमा लिप्त सबै निकायको दातमा ढुृंगा परेको जस्तै भएको छ । सबै खोलामा लगाइएका गाडीहरु मेसीनहरु हटाएर सुनसान भएको छ । यो सन्नाटा हेर्दा लाग्छ यी खोलाहरुले पनि सायद कुनै बलात्कारीहरुको पन्जाबाट मुक्त भएको अनुभतिमा चयनको श्वास लिइरहेका छन् ।
यो कामको तारिफ जति गरेनी कम छ तर निरन्तरताको र सवल परिणाममा चुनौति छन् । यहा नविक्ने कोही देखिएको छैन ।
