मन जित्दै लिनाको म हुँ नेपालकी छोरी (भिडियो सहित)

चर्चित गीतकार लिना राईको रचना रहेको म हु नेपालकी छोरी नेपाली गीतको भिडियोले दर्शकहरुको मन जितेको छ । युट्युव मार्फत सार्वजनिक भएको उक्त गीतको भिडियो हेर्नेको संख्या थपिदै गएको छ ।
पछिल्लो समय मायाप्रेमको गीतहरु मात्र आईरहेको बेला लिनाको उक्त देशप्रेमले ओतप्रोत भावनाले सजिएको यो गीतले जो कोहि नेपालीको मन छुन्छ । नेपालको कला संस्कृति र पहिचान समेटिएको गीतमा देशप्रति माया झल्किएको छ । नेपालका प्राकृतिक सम्पदा सहितको भिडियोमा मनोरम दृश्यहरु पनि देख्न पाइन्छ ।

https://www.youtube.com/watch?v=1r88TZ6Rr_U&feature=share
गीतमा गायीका लक्ष्मी शेर्पाको सुमधुर स्वर छ । शब्द अनुसार गायिका शेर्पाले पनि गीतलाई न्याय गरेकी छिन् । गीतमा जोन राई र सुनिता वाईवाले अब्बल अभिनय गरेका छन् ।
गीतको एरेन्जर उदयराज पौडेलले गरेका हुन भने कम्पोज शंकर थापाले गरेका छन् । गीतकार लिनाले यो गीतबाट एकदमै राम्रो प्रतिक्रिया आईरहेको बताईन् । लिना भन्छिन्,सबैतिरबाट राम्रो प्रशंसा आएको छ, धेरै नै खुशी लागेको छ ।