उर्लाबारी ।मोरङको उर्लाबारीस्थित बेतेनि सिमसारमा मिस धिमाल २०१९का सहभागीहरुको फोटो सुट गरिएको छ ।
तालिम सन्चालनको १० औँ दिन पर्यटन प्रर्बद्धनको निमित्त सो ठाउँमा फोटो सुट गरिएको हो । धिमाल जातीय विकास केन्द्रको भातृ संगठन धिमाल विद्यार्थी मञ्चको आयोजनामा मिस धिमाल २०१९ को प्रशिक्षण भइरहेकोे छ ।
अल्पसंख्यक धिमाल समुदाय भित्र रहेको धिमाल युवतिहरुको प्रतिभा प्रष्फुटन तथा क्षमता अभिबृद्धि गर्ने उद्देस्यले मिस धिमाल २०१९ को आयोना गरीएको कार्यक्रम संयोजक सुनिल धिमालले बताए । छनौट भएका २६ जना मध्ये विविध कारणबस उपस्थित वा पाटसिपेन्ट हुन नसकेको कारण हाल सम्म २१ जना सहभागी रहेका छन । मिस धिमालको फाईनल फिनाले मोरङको उर्लाबारीमा फागुन ७ गते हुने सञ्चार संयोजक विजय धिमालले जानकारी दिएका छन् ।
