बाहुनडाँगी । सुर्खेत लेडी जेसीज वीरेन्द्रनगरले सहिद दिवसको अवसर पारेर बृद्धबृद्धा आमा बुबालाई एक दिनको खाजा वितरण गरेको छ ।
शाखा अध्यक्ष लक्ष्मी कार्की प्रधान (सिया) को नेतृत्वमा गएको लेडी जेसीज टोलीले वीरेन्द्रनगरमा अवस्थित प्रशान्ति विद्धाआश्रममा स्मारिका शेरचन रानाबाट सौजन्य भएको उक्त खाजा २ हप्तालाई पुग्ने गरी वितरण गरिएको छ ।
यसैगरी, सोही दिन साँझ सहिदहरुको सम्झनामा दीप प्रज्वलन समेत गरिएको छ । शाखाकी अध्यक्ष कार्कीको अध्यक्षता तथा पूर्व अध्यक्ष ज्योति कार्की पौडेलको प्रमुख आतिथ्यतामा सम्पन्न कार्यक्रममा निवर्तमान अध्यक्ष कृति गुभाजु शाक्यलगायत शाखाका विभिन्न पदाधिकारीहरुको सहभागिता रहेको थियो ।
