११ मङ्सिर( सोमबार),२०७४
कोशी अनि गण्डकि सुस्ताको चिन्ता छ
हाम्रो होइन भविस्यका पुस्ताको चिन्ता छ !!
बेचियका कलकारखाना कर्णालीको चिन्ता छ
कस्तो बनाउने मेरो देशको प्रणालिको चिन्ता छ !!
मिचियका भुभाग अनि महाकालिको चिन्ता छ
भ्रस्टाचारि गुन्डागर्दी तस्कर जालिको चिन्ता छ !!
उजाड बनेका खेतवारी किसानको चिन्ता छ
मेरो देशको सास्कृतिक पहिचान निशानको चिन्ता छ !!
गरिव दुखी निमुखा तिनै जनताको चिन्ता छ
बिदेशमा बेचिने कान्छी र कान्छाको चिन्ता छ !!
रोइ रहेका कालापानी लिपुलेकको चिन्ता छ
छाउपडी बोक्सी प्रथा त्यही बिभेदको चिन्ता छ !!
परदेशमाछु साधै आफू जन्मेको देशको चिन्ता छ
आफ्नै धर्म रितिरिवाज भासा भेषको चिन्ता छ !!
लुटियका ती जंगे पिल्लर र खोलिको चिन्ता छ
हराउदै गयको मौलिकता गुन्यु चोलिको चिन्ता छ !!
अराजकता हुन्छ कि कतै युद्धको चिन्ता छ
वैरिद्वारा खोसिन्छन कि कतै बुद्धको चिन्ता छ !!
दन्ते लहर फिजाइ हांस्ने हिमालको चिन्ता छ
संसारको जुनै कुनामा पुगु नेपालको चिन्त छ !!
खगेन्द्र रबिन सुद्दबेदी
बानपा १४ नारायणस्थान
