2017-11-29 10:57
चितवन । चितवनको फिस्लिङमा यात्रुबाहक बस त्रिशूली नदीमा खस्दा ६ जनाको ज्यान गएको छ । २१ जना घाइते भएका छन् । काठमाडौंबाट अर्घाखाँचीका लागि छुटेको लु २ ख २९१ नम्बरको बस बिहान साढे ९ बजे त्रिशूली नदीमा खसेको चितवनका प्रहरी प्रमुख दिपक थापाले जानकारी दिनुभयो । ज्यान जानेको नाम खुल्न नसकेको प्रहरीले जनाएको छ । प्रहरीका अनुसार ज्यान जानेमध्ये दुईजना महिला र चारजना पुरुष छन् । घाइतेमध्ये ५ जनाको अवस्था गम्भीर छ । उनीहरुलाई थप उपचारको लागि काठमाडौं पठाइएको छ । अरु घाइतेको भरतपुर अस्पताल उपचार भैरहेको छ ।
त्रिशुलीमा डुबेको गाडीको छत मात्रै देखिएको छ ।
बस विपरीत दिशाबाट आइरहेको ट्रकसँग ठोक्किएर अनियन्त्रित भएर त्रिशूलीमा खसेको प्रहरीको प्रारम्भिक अनुमान छ ।
